БИШКЕК, 1-авг. — Sputnik. Сейсмология институту бүгүн 1-августта саат 14.00дө очогунда күчү беш баллга жеткен жер титирөө каттаганын ӨКМ билдирди.
Маалыматка ылайык, силкинүүнүн очогу Кыргызстандын Тахталы тоо кыркаларында — Токтогул шаарынан түштүктү карай 20 чакырым, Кара-Көлдөн түндүк-батышты карай 25, Көк-Бел айылынан түндүк-чыгышты карай 5 жана Кетмен-Төбөдөн түштүк-батышты карай 15 чакырымда жайгашкан.
Мындан улам силкинүү Көк-Белде — 4-4,5, Кетмен-Төбөдө — 4,5 балл, Кара-Көлдө — 4 жана Токтогулда 3,5 балл болуп сезилди. Жер титирөөдөн жабыркагандар катталган жок.
Эскерте кетсек, бүгүн эртең менен саат 9.08де Бишкектен 35 чакырым алыстыкта күчү үч баллга жеткен жердин силкинүүсү катталган.
