БИШКЕК, 11-авг. — Sputnik. Президент Алмазбек Атамбаев бүгүн, 11-августта билим берүү жана илим министри Элвира Сариеваны кабыл алганын өлкө башчынын маалымат кызматы билдирди.
Жолугушууда мамлекет башчысы жогорку окуу жайларга тапшыруу жана жаңы окуу жылына көрүлүп жаткан даярдыктар тууралуу маалымат алды.
2 Баш оона 2016, 10:35
Сариева ошондой эле, жогорку окуу жайлардагы бюджеттик орундарды каржылоо белгиленген акы принциби менен ишке ашарын айтты.
Министр андан сырткары мектептерде кесиптик билим берүү аракеттери жигердүү жүрүп жатканын кошумчалады.
Өз кезегинде Атамбаев билим берүүнүн сапатын жогорулатып, бул тармактагы паракорлукту жоюу үчүн билим берүүдөгү реформаны дыкат иликтеп анан ишке ашыруу керектигин айтты.
