БИШКЕК, 19-авг. — Sputnik. "Ысык-Көл" эл аралык аэропортуна расмий түрдө IKU коду ыйгарылганын "Манас" эл аралык аэропорту" ишканасынын маалымат кызматы билдирди.
Компаниянын маалыматы боюнча Аба транспорту эл аралык ассоциациясынын Борбордук Азия боюнча координатору акыркы 3-4 ай аралыгында Тамчыдагы аэропорт жакшы иштегенин айткан.
"Аэропорттор менен авиакомпанияларды тартуу менен иретке салынган иш ийгиликке жеткирди", — деп айтылат билдирүүдө.
Аэропорттун коду — бул Аба транспорту эл аралык ассоциациясы тарабынан дүйнө аэропортторуна ыйгарылуучу үч тамгалуу идентификатор.
Ал авиабилеттерди сатуу, брондоо максатында башка кызыкдар компаниялар менен иштөө үчүн пайдаланылат.
