Жылдын мыкты мугалими Бегалиева: мугалимдикке ортозаар билимдүүлөр келип калды
Бегалиева айыл жеринде мугалимге болгон талап жогору экенин айтты.
"Бизде мугалимдерди мектепке аларда атайын комиссия тандайт. Себеби, бизде мугалимдер жетишсиз, аларга болгон талап жогору", — деди ал.
Жылдын мыкты мугалими болгон Бегайым Бегалиева мугалимдик кесиптин баркын көтөрүүнү жогорку окуу жайларга тандоодон баштоо керектигин баса белгиледи. Себеби жакшы окуган окуучулар башка кесиптерди тандап, ортозаар окуучулар мугалимдик кесипти тандап калып жатканын айтат. Эгер мугалимдердин социалдык абалына мамлекет көңүл буруп, алардын айлыгын жогору кылса, жакшы окугандардын баары мугалим болобуз деп умтулмактыгын кошумчалады.
