БИШКЕК, 4-ноя. — Sputnik. Белоруссияда баасы 470 миң доллар деп бааланган тогуз килограммдан ашык алмаз Россиянын жаранынан конфискацияланды. Бул тууралуу РИА Новости Белоруссиянын Мамлекеттик бажы комитетинин маалымат кызматына шилтеме берүү менен жазып чыкты.
"Россиянын жараны тогуз килограммдан ашык алмазды аквариум үчүн алынган демиш болуп, аны шагыл түрүндө ЕАЭБдин аймагына Гродно регионалдык бажысынын "Берестовица" өткөрмө пункту аркылуу алып өтүүгө аракет кылган", — деп айтылат маалыматта.
Айдоочунун автоунаасындагы буюмдардын арасынан ар түрдүү формадагы жана түстөгү кристаллдык таштар табылып, бажычыларды күмөн санаткан.
"Айдоочу таштар аквариум үчүн алынганын айткан. Адистер ага карабастан экспертизага жөнөткөндө сорттолбогон алмаз болуп чыккан", — деп белгиленет маалыматта.
Алдын ала эсептөөлөргө караганда, алмаздын баасы 470 миң долларга тете.
Гродно Октябрь райондук соту жаранды административдик жоопко тартуу менен алмаздарды конфискациялады.
