БИШКЕК, 6-ноя. — Sputnik. АКШнын Лос-Анджелес шаарында Asian World Film Festival дүйнөлүк фестивалында "Ата керээзи" тасмасы көрсөтүлгөнү тууралуу тасманын продюсери Талантбек Төлөбеков билдирди.
Продюсердин айтымында, тасманы калыстар тобу менен көрүүчүлөргө ассоциативдик продюсерлердин бири Бред Сайсон тааныштырган.
"Фестивалдын алкагында бейформал жолугушуулар өткөрүлүп, тасма тууралуу ой пикирлер айтылды", — деп билдирди Төлөбеков.
Эскерте кетсек, "Ата керээзи" фильми Кыргызстандын атынан "Оскар" сыйлыгынын узун тизмесине киргизилген. Мындан тышкары, картинанын "Алтын глобус" сыйлыгы үчүн сынакка катышуусуна аракеттер көрүлүп жатат.
