БИШКЕК, 8-дек. — Sputnik. Бишкекте муниципалдык бала бакчаларды салуу пландалбаганын шаар мэри Албек Ибраимов маалымат жыйынында билдирди.
Анын айтымында, учурда менчиктелип кеткен мектепке чейин билим берүү мекемелерин кайрадан муниципалдык менчикке кайтаруу иштери жүрүүдө. Мындай жол менен былтыр шаарга төрт бала бакча кайтарылган.
"Капиталдык курулуш программасына муниципалдык бала бакчаларды куруу планын киргизбейбиз. Болгону мамлекеттик жана жеке тараптардын өнөктөштүгү каралган. Мында мэрия өз салымын жер, имарат же коммуникация иретинде кошот", — деди шаар бышчысы.
Белгилей кетсек, Кыргызстанда бала бакчалар жетиштүү эмес.
