БИШКЕК, 10-дек. — Sputnik. Нарында Мамэкотехинспекциянын инспекторлору мылтыкчан кишини кармап, Кызыл китептеги атылган кыргоолдорду тапкан.
Инспекторлор андан ары изилдей келгенде ИЖ-12560 үлгүсүндөгү мылтыгына алынган документ жана аңчылык кылууга уруксат кагазы жок болуп чыккан.
"Эки кыргоол менен колго түшкөн Нарын районундагы Эмгек-Талаа айылынын тургуну салынган айыпты төлөдү", — деп билдирди аталган кызматтан.
Мамэкотехинспекциядан мыйзам бузуу боюнча инспекторлор ишти тийиштүү органдарга өткөрүп беришкенин кошумчалашты.
