БИШКЕК, 3-янв. — Sputnik. Ымыркайлар жана беш жашка чейинки балдар негизинен перинаталдык учурда пайда болгон илдеттерден улам чарчап калат. Бул туурасында Статистика комитетинин маалыматында айтылат.
Бул себеп каза болгон кичинекейлердин жалпы санынын 56 пайызын түзөт. Кичинекейлердин өмүрүн алган оорулардын экинчиси — өнүгүүнүн тубаса кемтиктери экендигин айтылган. Бөбөктөрдү чарчаткан дагы бир ажалдуу оору — дем алуу органдарынын дарты деп табылды.
Изилдөөлөрдө балдар уулануудан, ар кыл жаракаттардан, ичеги-карын жана митечилик (паразитардык) оорулардан да каза болору айтылган.
Буга чейин БУУнун Балдар уюму Кыргызстанда беш жашка чейинки миң наристенин 21и өлүмгө дуушар болорун жылдык докладында билдирген.
