Клубдун күзөтчүсү Николайдын айтымында, ал мас балдар анын сөзүн укпаган соң күзөт агенттигинин жетекчилигин чакырууга аргасыз болуп, жетекчиси жанына куралчан кызматкерлери менен келген.
"Эки тарап тең көчөгө чыгып, мас балдар жетекчиге жаман сөздөрдү айтып, ошондон мушташ чыгып кетти. Алар жетекчини да, башка күзөт кызматкерлерин түртүп салышып Сайга (аң-уулоочу мылтык) куралын тартып алып качып кетишкен. Мен бул учурда клубдун ичинде болчумун", — деди Николай.
"Панфилов жана Медеров көчөлөрүнүн кесилишинде мергенчинин куралын көтөрүп жүргөн төрт киши байкалган. Кармоо учурунда алардын экөө качып кеткенге үлгүрүп, мылтыкты көтөрө кетишкен. Калган экөө кармалды", — деп айтылат билдирүүдө.
Болжол менен 20-25 жаштардагы кармалган жарандар мас абалында болушкан. Учурда алардын ким экени аныкталууда. Алар РИИБге алып келинген.
Качып кеткен эки жаранды издөө боюнча аракеттер көрүлүүдө.
