БИШКЕК, 21-янв. —Sputnik. Өлкө аймагындагы мектептердин 79,6 пайызы гана китеп менен толук камсыздалган. Бул тууралуу Билим берүү жана илим министрлиги кабарлады.
Министрликтин окуу китептери боюнча адиси Чынара Курбанованын айтымында, учурда жаңы бирдиктүү китептер менен камсыздоо иштери жүргүзүлүүдө.
"Азыр өлкө мектептеринде сабактар төрт тилде жүргүзүлөт. Буга байланыштуу бул мектептерди бирдиктүү адабият менен камсыз кылуу аракеттери жүрүп жатат. Бирок 100 пайыз толук камсыз кылуу мүмкүн болбой жатат. Буга ички миграция менен көпчүлүктү кубандырган ымыркайлардын көп төрөлүшү дагы себеп", — деди Курбанова.
Андан сырткары, китеп жетишсиздигин кандайдыр бир деңгээлде чечүү максаттында lib.kg сайтына мектеп программасындагы электрондук адабияттар ачык колдонууга киргизилген.
