Тараптар эки облустун соода-экономикалык жана маданий байланыштарын жакшыртуу боюнча Меморандумга кол коюшкан.
БИШКЕК, 25-фев. — Sputnik. Казакстандын Жамбыл облусу менен Кыргызстандын Талас облусунун жетекчилиги жолугушканын Sputnik Кыргызстан агенттигине аймактык кабарчы билдирди.
Эки тараптуу жолугушууга Жамбыл облусунун акими Карим Кокрекбаев, Талас облусунун башчысы Дайыр Кенекеев жана район башчылары катышкан.
Эки тараптуу жолугушууга Жамбыл облусунун акими Карим Кокрекбаев, Талас облусунун башчысы Дайыр Кенекеев жана район башчылары катышкан.
Талкууда негизинен суу маселеси каралган.
"Өткөн жылы Киров суу сактагычындагы суунун көлөмү 549 кубга чейин жетип кооптуу абал жаралган. Суу сактагычтан секундасына 250 куб суу чыгарылып турган. Мындан улам Манас районундагы "Саза" жана "Кож" каналдарын суу жууп кеткен. "Кож" каналы сегиз чакырым жерди басып өтүп Казакстанга кирет. Эми казак тарап март айынын ичинде ошол каналды толугу менен оңдоого каражат бөлөрүн билдирди", — деп аймактык кабарчы билдирди.
Тараптар эки облустун соода-экономикалык жана маданий байланыштарын жакшыртуу боюнча Меморандумга кол коюшкан.
