Эргешов: ажы башчыларды каттоо 28-апрелде башталат
Ажы башчыларга каттоо 28-апрелде башталат. Бул тууралуу Sputnik Кыргызстан агенттигине муфтийдин орун басары Акимжан ажы Эргешов билдирди.
Эске сала кетсек, ажылыкка төлөмдөрдү кабыл алуу 28-апрелге чейин узартылган.
"Ажылык сапарга аттануу үчүн ажы башчыларды дайындоо максатында талапкерлердин документтерин кабыл алууну жарыяладык. Ага ылайык, каалоочулар 28-апрелден тарта 12-майга чейин каттоодон өтүшү керек. Негизги талаптардын бири — ажы башчы болом дегендер буга чейин зыярат кылган болушу керек", — деди Эргешов.
Муфтийдин орун басары бир нече документтер талап кылынарын айтып, алар тууралуу маалыматты муфтияттан же жергиликтүү хатибияттан алууга болорун кошумчалады.
