БИШКЕК, 22-май — Sputnik. Севастополдо өткөн даректүү тасмалардын XIII эл аралык "Победили вместе" фестивалынан эки кыргыз тасмасы байгелүү кайтты. Бул тууралуу Кинематографты колдоо фондусунун сайтына жарыяланды.
Андагы маалыматка караганда, эң мыкты дебют катары режиссер Рысбай Садыковдун "Айтматовдун сабактары" тасмасы табылган. Анда улуу жазуучу Чыңгыз Айтматовдун жашоосу чагылдырылган.
Ошондой эле жалпыга маалымдоо каражаттарынын "даректүү тасманын гумандуу миссиясы" аттуу атайын сыйлыгы режиссер Адилет Каржоевдин белгилүү кыргыз хирургу Эрнст Акрамовго арналган "Рахмат, дарыгер!" тасмасына ыйгарылды. 26 мүнөттүк фильм Кыргызстан, Франция жана Польшада тартылып, андагы башкы ролду дарыгер өзү жараткан.
