БИШКЕК, 7-июл. — Sputnik. Ырчы Анна Седокова өзүнүн шоусунда күйөрмандарын кыргызстандык дизайнер Наиль Байкүчүков тиккен көйнөктү кийип чыгып суктандырды.
Украиналык ырчынын концерти Түркиянын Белек шаарында июнь айынын аягында болгон.
Анын социалдык тармактардагы баракчаларына жазылган колдонуучулар ырчынын концерти жана көйнөгүнө карата жылуу сөздөрдү айтышты.
Байкүчүков дагы өзүнүн баракчасында Аннага суктанаарын жазган.
Наиль Байкүчүков — учурда Казакстанда жашап, иштеп жүргөн кыргызстандык дизайнер. Анын өзүнүн бутиктери бар. Ал эми Наилдин эмгектери дүйнө жүзүнүн ар кайсы шаарларында өткөн мода жумалыктарына катышып келет.
