Арзыкеева: Despacito соцтармакка жайылганын көрүп жүрөгүм түшүп калды
Despacito ырын аткарып чыгып интернет жылдызына айланган жаш талант Sputnik Кыргызстан радиосуна маек курду.
"Despacito өзүнчө эле эркелеп бийлеп, жылмаюу менен бирөөгө тийишип жаткан сыяктуу менин мүнөзүмө жарашкан ыр экен. Сөзүн карасам аябай эле жеңил сезилди. Анткени мен кыргыз-европа факультетинде окугандыктан испан тилиндеги чоң тексттерди жаттачубуз. Анан үйдө эле отуруп ырдап баракчама жүктөп койгом. Эртеси соцтармакта кызуу талкуланып жатканын көрүп жүрөгүм түшүп калды. Анан айттым, эхх… мындай болоорун билгенде сөзүн толук жаттап, жакшы даярданып чыкмакмын деп", — деди Арзыкеева.
Ал ошондой эле бул ырды мынчалык популярдуулукка жетерин күтпөгөнүн айтып, жакын адамынын суранычы менен гана интернет баракчасына жүктөгөнүн кошумчалады.
