БИШКЕК, 23-июл. — Sputnik. Баткенде ажылык сапарга барчулар билимин жогорулатууда. Бул тууралуу муфтияттан билдиришти.
Маалыматка ылайык, ажылык сапарга барчу жарандарга Баткен облусунун казысы Муса ажы Жолдошов ажылык парздардын аткарылышы боюнча сабак өтүүдө.
Сабактын жүрүшүндө зыяратчыларга ажылык парзды өтөөгө туура ниет кылуу, ажылык кийимдерди эрежеси менен кийүү, курмандык чалуу, чач алуу эрежелери окутулган. Андан сырткары Арафат, Мина өрөөндөрүндөгү ажылыктын кыйынчылыктарына сабыр кылуу, ыйык Каабаны туура айлануу туурасында маалыматтар берилип жатат.
