БИШКЕК, 5-авг. — Sputnik. Despacito ырына тартылган клип YouTube сайтында рекорд койду. Аны үч миллиарддан ашык киши көргөнүн Billboard басылмасы жазып чыкты.
Daddy Yankee менен Луис Фонсинин клиби "Форсаж-7" тасмасынан алып тартылган See you again клибинен ашып өттү. Буга чейин түштүк кореялык ырчы PSY аткарган Gangam Style ыры беш жыл катары менен лидерликтен түшкөн эмес.
Пуэрто-рикалык ырчы Луис Фонсинин Despacito ыры интернетте болуп көрбөгөндөй рекорд жаратып, жарым жылдын ичинде 4,6 миллиард адам уккан. Ал эми чыгарманын клиби YouTube каналына үстүбүздөгү жылдын январь айында жарыяланып 3 миллиарддан ашык адам көргөн.
