БИШКЕК, 23-авг. — Sputnik. Астанада көк бөрү боюнча өтүп жаткан дүйнө чемпионатында бүгүн Кыргызстан менен Түркиядан келген көк бөрүчүлөр оюн талаасына чыгат.
Бул менен Кыргызстан дүйнө биринчилигинде үчүнчү өлкө менен күч сынашат. Эки команданын беттеши саат 11.00дөн 12.00гө чейин уланат.
Белгилей кетсек, кечээ, 22-августта, өзбек улакчылары менен кез келген Кыргызстандын командасы 11:2 эсеби менен жеңишти камсыздаган. Ал эми мелдештин биринчи күнүндө Монголия менен беттешке чыгып 4:0 эсебинде утуп алган.
