БИШКЕК, 24-авг. — Sputnik. "Мадина" базарынын аймагында күзөтчүлөр менен соодагерлердин ортосундагы чыр-чатактын себебин милиция териштирип жатат. Бул тууралуу Бишкек ШИИБдин маалымат кызматы билдирди.
Эсерте кетсек, окуя тууралуу Sputnik Кыргызстан агенттигине күбө кечээ, 23-августта кабарлаган.
"Болжол менен кечки саат 19.00дөрдө "Мадина" базарынын күзөтчүлөрү менен айдоочулар ортосунда жаңжал чыккан. Аларга юридикалык баа берилет. Бирок окуя тууралуу арыз келип түшкөн жок", — деп жазылат маалыматта.
Чогултулган материалдар Коомдук коопсуздук кызматына өткөрүп берилди.
