БИШКЕК, 31-авг. — Sputnik. АКШнын Нью-Йорк штатынын тургуну Парвег Ахмед Сирияга жетүүгө аракет кылып, "Ислам мамлекети" террордук уюмуна кошулууну каалаган деп айыпталууда. Ал бул аракети үчүн 20 жылга кесилиши мүмкүндүгүн РИА Новости агенттигин АКШнын Юстиция министрлигине таянуу менен билдирди.
Ал алгач Сауд Аравиясына барып, андан ары Сирияга өтүүгө аракет кылган. Парвег Ахмед чек ара кызматы тарабынан кармалып, 28-августта АКШга кайта жөнөтүлгөн. Аны Нью-Йорктогу Жон Кеннеди атындагы эл аралык аэропорттон кармашкан.
Эми ал 20 жылга эркинен ажыратылышы мүмкүн.
