БИШКЕК, 20-сен. — Sputnik. Бусурманкул Абдубаит уулу 23-сентябрда Татарстандын Казань шаарындагы "Баскет-Холл" аренасында M1-Challenge 83 турниринде ат салышат. Бул тууралуу маалыматты Sputnik Кыргызстан агенттигине мушкердин машыктыруучусу Кенжебек Чекиров тастыктады.
Анын айтымында, кыргызстандык спортчуга бразилиялык мушкер Диего Давелло атаандаш болот.
"Буюрса даярдыктар жакшы. Бизге күтүүсүз жана аз убакыттын ичинде сунуш түштү. Себеби окуучум Бусурманкулдун атаандашынын өнөктөшү аталган турнирге чыкпай турган болгон. Бразилиялык мушкер Диего Давелло биз үчүн күчтүү жана татыктуу атаандаш", — деди Чекиров.
Грэпплингдин Uni Fight версиясында дүйнө чемпиону, WEF Global турниринин чемпиондук курунун ээси. Спортчулардын рейтингин аныктаган Sherdog порталындагы көрсөткүчү 8-2-0.
