БИШКЕК, 28-окт. — Sputnik. Маданият, маалымат жана туризм министри Түгөлбай Казаков ээлеген кызматынан бошотулганын өлкө башчынын маалымат кызматы билдирди.
Тийиштүү Жарлыкка президент Алмазбек Атамбаев кол койгон.
Жарлык кол коюлган күндөн тарта күчүнө кирет.
Эскерте кетсек, Казаков аталган министрликти 2016-жылдын 27-июлунан тарта жетектей баштаган.
Экс-министрдин кызматтан кетишинин себептери айтылган эмес, бирок буга чейин мумиянын көмүлүшү боюнча атайын комиссия түзүү чечими кабыл алынган.
Мумия 14-октябрь күнү көмүлүп, мындай кадам 60 жыл ичинде бир дагы илимий изилдөө жүргүзүлбөгөнү жана аны жасай турган адистин жоктугу менен түшүндүрүлгөн.
Ал эми министр жумуштан бошотулса да туура чечим жасалган деген ойдон кайтпай турганын айткан.
Мумия Баткендин Кара-Булак айылында көмүлгөн.
