Чыгармачыл инсандардын сүрөтү 1967-жылы Москва шаарында тартып алынган. Анда комуз ойноп отурган Кыргыз Эл артисти Асек Жумабаев. Ал хордун ырчылары менен тамашалуу ырды аткарууда.
Алардын арасында болгон СССРдин эл артисти Кайыргүл Сартбаева ошол кезди Sputnik Кыргызстанга мындайча эскерип берди.
"Көрүүчүлөр аябай жакшы кабыл алып, зал толуп калчу. Өзгөчө кыргыз композиторлорунун, эл шайырларынын чыгармалары жакшы бааланган. Ал кезде жашпыз да, жиберген жерге барып концерт коюп, гүл берип, кол чаап мактаса кубанып жүрө берчүбүз. Өзүбүзгө билинбегени менен биз ошол кезде кыргыз искусствосунун мыкты үлгүсүн көрсөтүптүрбүз", — деди Сартбаева.
Эки жумалык маданий иш-чарада элдик чыгармалардан тарта дүйнөлүк классикага чейинки ыр-бийлер көрсөтүлүп, алардын айрымдарына сыйлыктар тапшырылган.
