Баялиев: манасчылык өнөр табияттан берилген
Манасчылык өнөр ага табияттан берилгенин белгилүү манасчы Замирбек Баялиев Sputnik Кыргызстан радиосуна маек куруп жатып билдирди.
Анын айтымында, манас айтуу эки жол менен өтөт.
"Чоң атам 90 жашында көзү өтүп кетти. Мен манасчылык жөнүндө ал кишиден сураганда бирин арбак даарып, табияттан берилсе, экинчиси тукум кууйт деген. Бизде манасчылар болбосо дагы саяпкер, мүнүшкөр, санжырачы, ырчы, сөзгө чечен адамдар бар эле. Мен табияттан алдым десем болот. Айылдык турмуштагы бардык нерсени башымдан кечирдим. Куш таптап куш салдым, ит агытып салбурунда жүрдүм, улакка түштүм. Ошонун бардыгы азыр Манас айтканыма жардам берет" — деди манасчы.
