БИШКЕК, 10-июн. — Sputnik. Быйыл орозо айт 15-июнда белгиленет. Мындай чечим Ташкентте өткөн дин аалымдарынын жыйынында кабыл алынганын муфтияттын маалымат кызматы кабарлады.
Билдирмеге ылайык, Кыргызстан, Казакстан жана Өзбекстандын дин өкүлдөрү "Рамазан айынын башталышын жана Орозо, Курман айт күндөрүн тактоо" темасынын алкагында Ташкентте өткөн тегерек столго катышышкан. Аталган иш-чара Өзбекстан мусулмандар дин башкармалыгы тарабынан уюштурулган.
Белгилей кетсек, орозо быйыл 17-майда башталган. Кадыр түн 11-июндан 12-июнга караган түнү болот.
