БИШКЕК, 20-июн. — Sputnik. Таиландда 2009-жылдан бери биринчи ирет кылмышкер өлүм жазасына тартылганын РИА Новости агенттиги билдирди.
Ийне сайып өлтүрүү ыкмасы Бангкоктун борбордук Банг-Куанг абагында 18-июнда болду.
22 Чын Куран 2018, 09:47
Өлүм жазасына тартылган 26 жаштагы тургун 2002-жылы 17 жаштагы студент кызды бычак менен 24 жолу сайып өлтүрүп, кыздын намыянын жана уюлдук телефонун алып изин жашырган. Полиция бир нече сааттын ичинде шектүүнү кармап, биринчи инстанциядагы сот өлүм жазасына кескен. Кийинки инстанциядагы соттор баштапкы өкүмдү күчүндө калтырган.
Таиланддын Юстиция министрлигинин жаза аткаруу департаментинин маалыматы боюнча абсолюттук монархия жоюлгандан кийин 1935-жылдан тарта учурдагы кылмыш-процессуалдык кодекс күчүнө кирип, 326 киши өлүм жазасына тартылган. 2003-жылга чейин кылмышкерлер атылып келсе, соттун чечими эми ийне саюу аркылуу ишке ашат.
Таиландда акыркы жолу 2009-жылы эки киши өлүм жазасына тартылган. Алар ири өлчөмдө баңгизатын ташыды деп айыпталган.
