БИШКЕК, 4-июл. — Sputnik. Дүйнөлүк көчмөндөр оюндарын даярдоо жана өткөрүү боюнча катчылык тартылган демөөрчүлүк жардам тууралуу билдирүү таратты.
Эскерте кетсек, буга чейин айрым ЖМКларда демөөрчүлөрдү мажбурлоо менен каражат тартылып жаткандыгы тууралуу айтылган.
Катчылыктын маалыматында Көчмөндөр оюну жалпы улуттук долбоор экени, ал көчмөн цивилизациясы менен маданиятын жайылтууга багытталары айтылып, мындай ири иш-чаралар ар кыл демөөрчүлдөрү тартуу менен ишке ашырылары белгиленген.
"Эч кандай мажбурлоо болгон жок. Демөөрчүлөр ыктыярдуу түрдө жардам берип жатышат. Ири масштабдуу долбоорлорго жардам тартуу чет мамелкеттерде да кеңири пайдаланылып келет. Көчмөндөр оюнун уюштурууга көмөктөшүүнү каалаган компаниялар менен жеке уюмдар башкы демөөрчү, расмий демөөрчү, демөөрчү жана медиа өнөктөш боло алат. Катчылык өз кезегинде бул ишканалар тууралуу жарнама айдыңында маалымат берүүгө даяр", — деп айтылат билдирүүдө.
Быйыл үчүнчү ирет өтө турган Көчмөндөр оюндары Ысык-Көлдө 2-8-сентябрь күндөрү тартууланат.
Буга чейин маданий иш-чаранын социалдык ролиги жарыяланган.
