Асангулова: бир саатта 100 айымга элечек оролот
Бир сааттын ичинде 100 айымга элечек оролот. Бул тууралуу Айдай Асангулова Sputnik Кыргызстан радиосунун таңкы эфиринде маек куруп жатып билдирди.
Анын айтымында, салтанат аркылуу элечек дагы бир ирет даңазаланат.
"26-июлда өтчү "100 элечек бир саатта" аттуу иш-чарага бардык каалоочулар катышса болот. Азыркы кезде элечекти оронууга кызыккан айымдар арбын. Бирок биз максат кылган санга жете элек. Өзгөчө жаштар иш-чарага активдүү катышууга ынтызар экенин көрүп кубанып турабыз. Буюрса, 100 айымга элечекти бир сааттын ичинде ороо иш-чарасы Кыргызстанда алгачкы жолу өтөт", — деди Асангулова.
Ал элечекти сахнага же тойлорго гана оронбостон күнүмдүк жашоодо да кийген ыңгайлуу экенин кошумчалады.
