БИШКЕК, 10-сен. — Sputnik. Аптанын биринчи жарымында бийик тоолуу аймактарда жана тоо этектеринде жаан-чачын болушу күтүлүүдө. Ал эми жуманын ортосунда көпчүлүк жерлерде жаан жаап, күн күркүрөйт. Мындай маалыматты Кыргызгидромет таратты.
11-сентябрь күнү Чүй жана Талас облустарында күндүзү 23…28 грудус нөлдөн жогору болот. Түштүктө абанын температурасы түнкүсүн +17 күндүзү +30 градуска чейин жетет. Нарында түнкүсүн +4…+9, күндүзү +21…+26. Көлдүктөр дагы ушундпй эле аба ырайынан ырахат ала алат. Бул аймакта абанын температурасы күндүз 25 градуска чейин көтөрүлөт.
13-сентябрда көпчүлүк аймактарда, 14-сентябрда кээ бир райондордо жаан жаап, күн күркүрөйт. Чүй менен Таласта түнкүсүн +7..+12, күндүз +18…+23 градуска жетет. Ысык-Көл жана Нарын өрөөндөрүндө күндүз абанын табы +24 градуска көтөрүлөт.
Аптанын акыркы күндөрү жаан-чачын күтүлбөйт. Абанын температурасы өзгөрүлүп турат.
