БИШКЕК, 31-мар. — Sputnik. 31-мартта күндүз жана 1-апрелде түнкүсүн жаан-чачын күтүлбөйт. Бул тууралуу Кыргызгидромет билдирди.
Ага ылайык, 1-апрелде күндүз жана 2-апрелде түнкүсүн тоо этектеринде жамгыр, тоолуу райондордо кар жаашы ыктымал.
Ал эми 2-апрелде күндүз жана 3-апрелде түнкүсүн жаан-чачын болбойт.
3-апрелде күндүз тоо этектеринде жамгыр жаап, тоолуу райондордо кар жаашы ыктымал.
4-5-апрелде туруксуз аба ырайы күтүлөт. Көпчүлүк аймактарда жамгыр жаап, тоолуу райондорго кар түшүп, абанын температурасы төмөндөйт.
Кыргызгидрометтен кабарлашкандай, 31-марттан 3-апрелге чейин тоолуу райондордо жолдор тоңуп тайгак болот. Батыштан соккон шамалдын ылдамдыгы секундасына 4-9 метрге чейин жетет.
