БИШКЕК, 7-май — Sputnik. Кыргызстандын Жаза аткаруу мамлекеттик кызматынын абактарындагы үч миң киши орозо кармап жатканын ведомстводон билдиришти.
Маалыматка караганда, ооз жапкандардын көбү Бишкектеги №1 тергөө абагы менен Москва районуна караштуу Петровка айылындагы №8 түзөтүү колониясында.
Учурда Кыргызстандагы абактарда 8 миң адам кармалып турат. Ошондой эле ЖАМКнын 500 кызматкери да орозо тутууда.
Мусулмандардын Рамазан айы 6-майда башталып, бир айга созулат.
Sputnik Кыргызстан агенттиги түзгөн 2019-жылдын Орозо календарын материалдан көрүңүздөр.
