БИШКЕК, 9-июн. — Sputnik. Канададагы турист 40 жылдан бери бек турган, эч ким сындырып да ача албаган сейфти кокустан ачып койду. Бул тууралуу Sputnik Белоруссия Global News басылмасына таянып кабарлады.
#MorningAddiction A Canadian man unlocked a safe that had sat unopened in a small museum for decades,cracking the code on his first try with a lucky guess.Stephen Mills was visiting the Vermilion Heritage Museum with his family when he had a go at opening the iron box for a laugh pic.twitter.com/gYfgWX9iz2
— 91.2 Crooze Fm (@912CroozeFM) 6 июня 2019 г.
Музейге белек катары берилген сейф тууралуу туристтерге маалымат айтылып, аны 40 жылдан бери эч ким ача албай койгону кабарланган. Бул учурда туристтердин арасындагы Миллс оюна биринчи келген 20, 40, 60 комбинациясын колдонуп, сейфти ачууга аракет кылып көрөт. Ал сандар туура чыгып, сейф ачылып, элдин баарын таң калтырган.
"Буга чейин анын ичинде эмне бар экенин эч ким билчү эмес. Көрсө, сейфте эски документ, официанттын блокноту жана чек бар экен", — деп жазылат кабарда.
Музей жетекчисинин айтымында, турист бул иши менен тарыхый жайды жабылып калуу коркунучунан сактап калган. Анткени аталган маалымат ЖМКга чыккандан кийин музейге келген туристтердин саны арбыган.
