БИШКЕК, 13-июл. — Sputnik. Ысык-Көл районундагы Бактуу-Долоноту айылында BMW-525 автоунаасы коюп кеткен 18 жаштагы улан ошол жерден мүрт кетти. Бул туурасында облустук милициядан кабарлашты.
Кырсык бүгүн, 13-июлда, болжол менен түшкү саат үчтөр чамасында Балыкчы — Каракол жолунун 84 чакырымында болгон.
"Улан ошол жерден көз жумган. BMW-525 автокөлүгүн 28 жаштагы жаран айдап бара жаткан, анын жанында 27 жаштагы кыз болгон. Экөө тең жаракат алып, ооруканага жеткирилди", — деп айтылат маалыматта.
Автокөлүк айып короого токтотулуп, тиешелүү экспертиза дайындалган.
