БИШКЕК, 15-сен. — Sputnik. Нейрохирург Алексей Кащеев мээ рагынын адам элес албай койгон белгилери тууралуу айтып бергенин "Известия" басылмасы жазды.
Анын айтымында, адам көздүн көрүүсүн начарлатып жиберген жана кол-буттардын учу муздап, сезбей калганга жеткирген, өнөкөт болуп калган баш оорудан чочулаш керек.
Мээ рагынын эң агрессивдүү түрү — глиобластома деп аталат, азыр аны медицина жеңе албай келет.
"Операция, химия жана радиотерапия шишиктин чоңоюп кетишин көзөмөлгө алганы менен көйгөйдү түп-тамырынан бери чече албайт. Тилекке каршы, бул азыр айыкпай турган илдет", — деп айткан нейрохирург.
Кащеев аталган оорунун бул түрүнүн эмнеден келип чыккандыгы алигүнчө белгисиз болуп келгенин, бирок негизгиси генетикалык фактор экендигин айткан.
