БИШКЕК, 16-сен. — Sputnik. Башкы прокуратура коррупцияга каршы күрөштөн түшкөн каражат топтолчу атайын эсепке 17 миллион 182 миң 970 сом которду. Бул тууралуу Башкы прокуратуранын маалымат кызматынан кабарлашты.
Ошентип Башкы прокуратура бирдиктүү эсепке баш-аягы 536 миллион 445 миң 462 сом которду.
Эске салсак, Кыргызстанда коррупцияга каршы күрөштөн түшкөн акча топтолчу атайын эсеп 2018-жылдын июнь айында ачылган. Ал мезгилден бери маал-маалы менен аталган эсепке каражат түшүп турат.
