БИШКЕК, 7-окт. — Sputnik. Окуучуну тебелеп кеткен автобустун айдоочусу №1 убактылуу кармоо жайына бир айга камакка алынды. Мындай чечимди Сокулук райондук соту кабыл алган. Бул тууралуу Чүй облустук милициясынын маалымат кызматы билдирди.
3-октябрда саат 15:30дар чамасында Маевкадан чыгып Күн-Тууну көздөй бараткан №18 автобустун дөңгөлөгү алдында калып көз жумган баланын кийими темирге кыпчылып калып, бир нече метрге чейин сүйрөлүп барган.
Анын Бишкектеги №70 мектептин 5-классында окуганы белгилүү болду.
