БИШКЕК, 27-окт. — Sputnik. Улуттук баскетбол ассоциациясынын (NBA) эң узун оюнчусу, 23 жаштагы Тако Фолл шыпты сүзүп алгандан кийин баш мээси чайкалып ооруканага түштү. Бул тууралуу The Guardian жазып чыкты.
Спортчунун бою 231 сантиметрге жетет, ал "Бостон Селтикс" клубунда борбордук оюнчу.
Tacko Fall is in concussion protocol after hitting his head on a low ceiling
— Celtics Dynasty (@CelticsDynasty_) 24 октября 2019 г.
This is not a joke. pic.twitter.com/XF2kAMZgeb
Фолл 24-октябрда өткөн сезондун биринчи беттешине чыккан эмес. Командасы жеңилүүгө дуушар болуп, баскетболчунун жоктугуна күйөрмандары менен ЖМК тынчсыздана баштаган. Спортчу ошондон кийин гана жаракаты тууралуу айтууну туура көргөн.
Tacko Fall is in concussion protocol because he bonked his head on the ceiling: https://t.co/KjaCpoR8bw pic.twitter.com/RmFlAKLWun
— Deadspin (@Deadspin) 24 октября 2019 г.
Көрсө Фолл кезектеги машыгуусунан кийин колун жууп жатып, жазылып турганына карабай жапыз шыпты катуу сүзүп алган. Ага көп деле маани бербей, бассейнге жөнөгөн. Эртеси саламаттыгы начарлап, баш мээси чайкалышы мүмкүн деген шек менен ооруканага түшүп калганы белгилүү болду.
