БИШКЕК, 6-фев. — Sputnik. Азербайжандын президенти Ильхам Алиев Кыргызстанга алгачкы жолу расмий иш сапары менен 2020-жылдын күз айларында келерин ТИМдин маалымат кызматы билдирди.
3 Аяк оона 2019, 23:43
5-февралда тышкы иштер министри Чыңгыз Айдарбеков Баку шаарында Алиев менен жолуккан. Анда негизинен президенттин Кыргызстанга жасалчу иш сапары талкууланган.
Ильхам Алиев билдиргендей, Азербайжан Кыргызстандын экономикасына инвестиция салууга даяр. Тараптар Кыргызстандагы жана Азербайжандагы "Достук" паркынын жана Бишкектеги жалпы билим берүү мектебинин курулушу, андан тышкары, эки өлкөнүн ортосундагы түз авиакаттамды жандантуунун маанилүүлүгүн белгилешти.
