Москванын четиндеги Орехово-Зуево шаарындагы беш кабаттуу үйдө газ жарылып кеткенин РИА Новости аймактык Өзгөчө кырдаал кызматына шилтеме берип жазды.
Окуя Гагарин көчөсүндөгү №31 үйдө болгон. Маалыматка караганда, үчүнчү кабаттагы батирден газ колонкасы жарылып кеткен. Натыйжада үйдүн экинчи подъезди урап калган. Коңшу подъезддин жашоочулары эвакуацияланды.
Алдын ала маалыматтар боюнча, бир адам каза таап, төрт киши жабыркады.
Окуяны Подмосковьенин губернатору Андрей Воробьев өз көзөмөлүнө алды.
Тергөө комитети жеринде иштеп жатат.
