БИШКЕК, 10-май — Sputnik. Абсолюттук мушкерлер уюмунун (UFC) АКШлык мушкери Жастин Гэтжи мекендеши Тони Фергюсонду жеңип, жеңил салмакта убактылуу чемпион болуп калды.
Мелдеш Флорида штатында өткөн UFC 249 турниринин алкагында өттү. Гэтжи бешинчи раундда атаандашын техникалык нокаут менен утуп алды.
Мелдеш көрүүчүсү жок өттү. Эми ал россиялык Хабиб Нурмагомедов менен беттешүүсү керек.
All class. 👏#UFC249 pic.twitter.com/kvA6m1ziLF
— UFC (@ufc) May 10, 2020
Фергюсон Нурмагомедов менен таймашка чыгышы керек эле, бирок россиялык мушкер пандемияга байланыштуу өлкө аймагынан чыга албай калгандыктан, мелдешке катышкан жок.
Бул эки мушкердин ортосунда бир нече жылдын ичинде бешинчи таймаш ишке ашпай калды.
