Sputnik Кыргызстан агенттиги залкар инсандын сүрөттөгү ирмемдерин сунуштайт.
Муратбек Бегалиев 1955-жылы 21-июнда Нарын облусунун Жумгал районундагы Миң-Куш айылында төрөлгөн. Элетте жүргөндө музыкага кызыгуусу артып, 7-классты аяктаганда түйүнчөгүн түйүп Фрунзеге билим алганы качып кеткен. Борбордогу мектепти бүтүрүп, Москвадагы музыкалык институтка барып өтпөй калат. Кыргызстанга келип Мукаш Абдраевдин шакирти болуп, Искусство институтунда билим алган. Андан соң Петр Чайковский атындагы консерваторияда окуган. Жаш адис Москвадагы консерваториядан кайтып келип Фрунзеде мугалимдикти аркалап, чыгармачылык менен алектенип, камералык, симфониялык, эстрадалык чыгармаларды жаратып, кийин эмгек жолун Европада улантат.
Бирок 1990-жылдары кыйын абалда калган кыргыз маданиятын көтөрүү максатында мекенине кайтып Улуттук консерваторияны ачкан. Аталган окуу жайды Бегалиев 27 жылдан бери жетектөөдө.
Токтогул Сатылганов атындагы мамлекеттик сыйлыктын ээси 35 жашында Зенона Слензак аттуу польшалык виолончелист кызга үйлөнгөн. Жубайлардын учурда бир кызы бар. Ал да ата-энесиндей музыкага ыктап, фортепианодо, скрипкада ойнойт.
Композитордун өмүрү жана чыгармачылыгы жөнүндө кызыктуу фактыларды Sputnik Кыргызстан агенттигинин материалынан окуңуздар.
1/12
© Фото / из личного архива Муратбека Бегалиева
Бегалиев 29 жашында СССРдин композиторлор союзуна мүчө болгон
2/12
© Фото / из личного архива Муратбека Бегалиева
Болочоктогу атактуу композитор өспүрүм кезинде билим алуу үчүн айылдан борбор калаага качкан. Оңдон биринчи турган окуучу Муратбек Бегалиев
3/12
© из личного архива Муратбека Бегалиева
Апасы жана жакындары менен отурган жылаңбаш бала Муратбек Бугалиев
4/12
© Фото / из личного архива Муратбека Бегалиева
1980-жылдары эле Бегалиевдин чыгармалары дүйнөнүн бир топ мамлекеттеринде аткарылчу
5/12
© Фото / из личного архива Муратбека Бегалиева
Мурдагы маданият министри, балетмейстер Чолпонбек Базарбаев менен
6/12
© Фото / из личного архива Муратбека Бегалиева
Жаш музыкант Германияда билим алып, ал жактан чыгармачылыгын өркүндөткөн
7/12
© Фото / из личного архива Муратбека Бегалиева
Улуу агалары менен акылдашкан жаш композитор
8/12
© Фото / из личного архива Муратбека Бегалиева
КРдин эл артисти Муратбек Бегалиев, СССРдин эл артисти Иосиф Кобзон
9/12
© Фото / из личного архива Муратбека Бегалиева
КРдин эл артисти аялы Зенона Слензак менен. Жубайлар бир кызды тарбиялап чоңойткон
10/12
© Фото / из личного архива Муратбека Бегалиева
Жазуучу Чыңгыз Айтматов менен Муратбек Бегалиев жакын мамиледе болушкан. Алар белгилүү "Ысык-Көлдү сагынуу" аттуу чыгарманы Люксембургда чогуу жараткан
11/12
© Фото / из личного архива Муратбека Бегалиева
Профессор 27 жылдан бери өзү ачкан борбор калаадагы Улуттук консерваториянын ректору
12/12
© Фото / из личного архива Муратбека Бегалиева
Залкар композитор Казак ССРинин эл артисти, скрипач Айман Мусаходжаева менен, 2006-жыл
