БИШКЕК, 3-ноя. — Sputnik. Түркиянын Измир шаарындагы зилзалада ураган имараттын алдында калган бөбөктү дээрлик төрт күндөн кийин аман алып чыгышты. Бул туурасында аталган калаанын мэри Тунч Сойер Twittter баракчасына жазды.
91. Saatte bir mucizeyi yaşadık. Dört yaşındaki Ayda’yı kurtarma ekipleri sağ salim çıkardı. Büyük acıların yanında bu mutluluğu da yaşadık. Kurtarma ekiplerine şükranlarımı sunuyorum. Ayaklarına taş değmesin. pic.twitter.com/rJvUG4nijO
— Tunç Soyer (@tuncsoyer) November 3, 2020
"91 сааттан кийинки керемет. Баарын толкунданткан жаңылыгыбыз бар. Куткаруучулар бөбөктү аман-эсен алып чыгышты", — деп жазган мэр.
Ayla 🤲❤️ pic.twitter.com/IgJdpk3EYs
— TC İçişleri Bakanlığı Maske😷 Mesafe↔️ Temizlik🧼 (@TC_icisleri) November 3, 2020
Sputnik Түркия агенттигинин маалыматы боюнча, уранды алдында калган кыз төрт жашта. Аны куткаруучулар 91 сааттан кийин табышкан. Бөбөктү дароо ооруканага алып кетишкен, учурда абалы канааттандырарлык.
Ayda kızımızın kurtarılma anı...
— A F A D (@AFADBaskanlik) November 3, 2020
Arama kurtarma çalışmalarımız son cana ulaşana kadar aralıksız devam edecek. pic.twitter.com/btJ4ppZ0Uk
Эске салсак, 30-октябрда Түркиянын батышында күчү 6,6 баллга жеткен жер титирөө катталган. Очогунун тереңдиги 16,5 чакырымды түзүп, ал Измирдеги Сеферлихисар шаарындагы райондо жайгашкан. Ошондой эле жердин силкинүүсү Грециянын Самос аралында дагы катталган. Соңку маалымат боюнча, зилзаладан 20дан ашуун имарат кулап, 102 адам набыт болгон. Жаракат алгандардын саны 1026 кишиге жетти.
