БИШКЕК, 3-авг. — Sputnik. Кыргызстандык спортчу Айсулуу Тыныбекова Олимпиада-2020 мелдешиндеги жарым финалда украиналык Ирина Коляденко менен кез келет.
Айсулуунун атаандашы Ирина Коляденко 23 жашта. Учурдагы Европа чемпиону. Мындан сырткары, ал 2019-жылдагы дүйнө биринчилигинде жана 2020-жылдагы Европа чемпионатында байгелүү орундарды ээлеген.
62 килограмм салмакта ат салышкан украиналык спортчу Олимпиада-2020 мелдешинде Нигерия (баштапкы этап) жана Кытай (чейрек финал) өлкөлөрүнүн спортчуларын уткан.
Азыркы тапта Бириккен күрөш дүйнөсү (UWW) уюмунун рейтингинде 62 килограмм салмактагы балбан кыздардын арасында биринчи орунда турат.
Айсулуу чейрек финалда румыниялык, баштапкы этапта латвиялык спортчуларды жеңди.
Жарым финалык таймаштар Бишкек убактысы боюнча саат 15:00дө болот.
