БИШКЕК, 8-авг. — Sputnik. Кыргызгидромет агенттиги алдыдагы аптага карата аба ырайынын божомолун берди.
Маалыматка ылайык, алдыдагы аптада жаан-чачын болбойт.
Бишкек шаары
8-13-августта жаан-чачын жаабайт. Батыштан соккон шамалдын ылдамдыгы секундасына 4-9 метрден 9-августта 14 метрге жетиши күтүлүүдө.
Талас облусу
Апта бою облус аймагында жаан-чачын болбойт. Кээ бир райондордо батыштан соккон шамалдын ылдамдыгы 9-13-августта 15-20 метрге жетет.
Ош, Жалал-Абад жана Баткен облустары
Өлкөнүн түштүгүндө жайгашкан бул үч облуста дагы башка жактардай эле күн ачык болот. Айрым күндөрү гана тоо этектерде жана тоолуу райондордо өткүн өтүп, күн күркүрөшү мүмкүн.
Ысык-Көл облусу
Көлдүн айрым райондорунда 8-августтан тарта күн алыс өткүн өтүп, күн күркүрөшү мүмкүн. Батыштан соккон шамалдын ылдамдыгы секундасына 4-9 метрден 8-9-августта жана 13-августта 15-20 метрге жетиши күтүлүүдө.
Нарын, Чүй облустары
8-9-12-13-август күндөрү тоолуу райондордо өткүн өтүп, күн күркүрөйт.
