БИШКЕК, 24-сен. — Sputnik. Футзал боюнча FIFA калысы Нурдин Букуев Литвада өтүп жаткан дүйнө чемпионатынын жарым чейрек финалдык беттешинде башкы калыстык кылды. Бул тууралуу Кыргыз футболдук союзунун маалымат кызматы билдирди.
Букуев кечээ, 23-сентябрда, мелдештин 8/1 баскычында Аргентина — Парагвай курама командаларынын беттешин тейлеген. Оюнда аргентиналыктар 6:1 эсеби менен уткан.
Муну менен кыргызстандык адис чемпионатта экинчи жолу башкы калыстыкты аркалап жатат. Турнирдин башынан бери беш беттешти тейлөөгө катышты.
Нурдин Букуев төртүнчү жолу дүйнө чемпионатынын оюндарын тейлеген алгачкы FIFA калысы болууда.
Ал спорттогу кыялдары, ишмердүүлүгү тууралуу Sputnik Кыргызстан агенттигине маек куруп жатып айтканы бар.
