Кыргызстандык балдар Македония олимпиадасында 9 медаль утту
17:06 28.12.2021 (Жаңыртылды: 17:07 28.12.2021)
© Sputnik / Артем Житенев
/ Жазылуу
Македония олимпиадасы (FMC) дистанттык форматта уюштурулуп, анда дүйнөнүн ар кайсы өлкөлөрүнөн 700дөн ашуун окуучу билим боюнча таймашкан.
БИШКЕК, 28-дек. — Sputnik. Бишкек шаарынан сегиз, Баткен облусунун Кадамжай районунан бир окуучу математика боюнча эл аралык билим жарышында, тагыраагы, Македония олимпиадасында эки күмүш жана жети коло медалга ээ болду. Бул тууралуу Билим берүү жана илим министрлигинен кабарлады.
Македония олимпиадасы (FMC) дистанттык форматта уюштурулуп, анда дүйнөнүн ар кайсы өлкөлөрүнөн 700дөн ашуун окуучу таймашкан. Ал эми Кыргызстандан 30 окуучу катышкан.
Олимпиаданын жыйынтыгы боюнча төмөндөгү окуучулар медаль утуп алышкан:
Тилек Аскербеков, Чыңгыз Айтматов атындагы Бишкек лицейи – күмүш медаль,
Фёдор Корнияш, Бишкек шаарынын Ефим Якир атындагы №61 автордук физика-математикалык мектеп-лицейи – күмүш медаль,
Эльдар Искандеров, "Газпром Кыргызстан" мектеби – коло медаль,
Нурсултан Эшперов, "Газпром Кыргызстан" мектеби – коло медаль,
Сейит Рыскулов, "Газпром Кыргызстан" мектеби" – коло медаль,
Абдумалик Турсунов, Келечек MIT – коло медаль,
Темирлан Бакыжанов, Чыңгыз Айтматов атындагы Бишкек лицейи – коло медаль,
Бахтиёр Абдуллаев, Кадамжай "Семетей" лицейи – коло медаль,
Азирет Акматбек уулу, Чыңгыз Айтматов атындагы Бишкек лицейи – коло медаль.
Олимпиадага окуучуларды "Газпром Кыргызстан" мектебинин жана Бишкек шаарынын Ефим Якир атындагы №61 автордук физика-математикалык мектеп-лицейинин математика мугалими Мамат Ишматов жана Чыңгыз Айтматов атындагы Бишкек лицейинин математика мугалими Азамат Аскаров даярдаган.
FMC олимпиадасы ар жылы Македония математикалык ассоциациясы тарабынан уюштурулуп келери айтылды.
