https://sputnik.kg/20220601/sadyr-zhaparov-baldardy-zhana-ata-enelerdi-kuttuktady-1064856691.html
Мекенибиздин чыныгы атуулдарынан болгула! Садыр Жапаров балдарды куттуктады
Мекенибиздин чыныгы атуулдарынан болгула! Садыр Жапаров балдарды куттуктады
Sputnik Кыргызстан
Мамлекет башчы бардык ата-энелерге, тарбиячыларга, мугалимдерге бала тарбиялоо деген жоопкерчиликтүү вазийпасын чыдамкайлык менен аткарышын кааларын айткан. 01.06.2022, Sputnik Кыргызстан
2022-06-01T09:27+0600
2022-06-01T09:27+0600
2022-06-01T12:43+0600
кыргызстан
садыр жапаров
куттуктоо
балдарды коргоо күнү
https://sputnik.kg/img/07e6/06/01/1064864295_233:533:2696:1918_1920x0_80_0_0_09d0c1fed14ba0dd91ac1cdab9782a39.jpg
БИШКЕК, 1-июн. — Sputnik. Бейпил күндүн, жай турмуштун, жаркын келечектин ээси болгон балдарыбызга кам көрүү маселеси – мамлекеттин социалдык саясатынын маанилүү артыкчылыгы болуп эсептелет. Бул тууралуу президент Садыр Жапаров Балдарды коргоонун эл аралык күнүнө карата куттуктоосунда айтты.Мамлекет башчынын маалымат кызматы Жапаровдун балдарды, ата-энелерди бул майрамга карата куттуктоосун таратты.Төмөндө президенттин куттуктоосун толугу менен беребиз."Кымбаттуу балдар, урматтуу ата-энелер!Кыргыз Республикасындагы бардык жеткинчектерди бүгүнкү жаркын майрамы менен куттуктайм! Балдарынын сүйүнүчү – ата-эненин кубанычы, ата-энелердин дагы бүгүнкү майрамы кут болсун!Балдарды коргоонун эл аралык күнү жадыраган жай мезгилинин алгачкы күнүнө белгиленгендиги бекеринен эмес. Баланын бажырайган күлкүсү менен жадыраган жай айындагы чайыттай ачык асман бири-бирин толуктап турган табияттын эң ажайып айкалышы, тынчтыктын, бейпилдиктин, куунак жашоонун белгиси.Мына ушундай бейпил күндүн, жай турмуштун, жаркын келечектин ээси болгон балдарыбызга кам көрүү маселеси – мамлекеттин социалдык саясатынын маанилүү артыкчылыгы болуп эсептелет. Балдарга кам көрүү жаатындагы милдеттер, балдарды сак-саламат жетилтип, руханий жактан өнүктүрүү, алардын коопсуздугун камсыз кылуу, сапаттуу билим берүү, турмуштук оор кырдаалга кабыл болгон балдарды ар тараптан колдоо мамлекеттик бийликтин ишиндеги негизги багыт болуп саналат. Дени сак, акыл-эстүү балдарыбыз – бул эртеӊки жаркын келечегибиздин, тарбиялуу коомубуздун, өнүккөн, маданияттуу турмушубуздун кепилдиги.Кымбаттуу ата-энелер!Мамлекеттен кандай гана жардам берилбесин, эң негизги мээримди жана камкордукту бала өзүнүн бекем, туруктуу жана мээримдүү үй-бүлөсүнөн алат. "Уядан эмнени көрсөң, учканда ошону аласың" деген улуу журтубуздун накыл кебиндегидей, баланы тарбиялоодо үй-бүлө институтунун орду чоң. Ата-энелерге балдарына туура таалим-тарбия берүүнү эч качан кечиктирбеш керектигин эскертер элем. Ата-бабаларыбыздын калтырып кеткен нарк-насилдери менен балдарыбыздын келечегин эртеӊ эмес, мына бүгүн, азыр алдын ала ойлонуп, алардын адам болуп чыгуусуна татыктуу тарбия беришибиз абзел. Элибизде эзелтен эле бала тарбиялоодо адеп-ахлакты, пейил-мүнөздү калыптандырууда, көркөм-эстетикалык табитти өстүрүүдө бешик ырларынан тарта макал-лакаптар, накыл кептер, уламыштар, жомоктор, дастандар жана башкаларды кеңири пайдаланып келишкен. Бала тарбиялоодо ата-бабаларыбыздан бери келаткан нарк-насил, каада-салт, көркөм мурастар силерге шам чырак болуп берсин!Бардык ата-энелерге, тарбиячыларга, мугалимдерге бала тарбиялоо деген оор вазийпасын чыдамкайлык, акылгөйлүк, сабырдуулук менен аткарышын каалайм!Урматтуу уул-кыздарым!Акылдуу, чынчыл, боорукер жана мекенчил болуп чоңойгула! Ата-энеңерди жана улууларды сыйлагыла, окуудагы жетишкендиктериңер менен бизди кубандырып, Мекенибиздин чыныгы атуулдарынан болгула!Ар бир күнүңөрдү бактылуу балалыктын таттуу көз ирмемдери коштосун!Асманыңар ачык болсун!"
https://sputnik.kg/20220529/baldar-majramy-ish-chara-programma-1064786926.html
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, садыр жапаров, куттуктоо, балдарды коргоо күнү
кыргызстан, садыр жапаров, куттуктоо, балдарды коргоо күнү
Мекенибиздин чыныгы атуулдарынан болгула! Садыр Жапаров балдарды куттуктады
09:27 01.06.2022 (Жаңыртылды: 12:43 01.06.2022) Мамлекет башчы бардык ата-энелерге, тарбиячыларга, мугалимдерге бала тарбиялоо деген жоопкерчиликтүү вазийпасын чыдамкайлык менен аткарышын кааларын айткан.
БИШКЕК, 1-июн. — Sputnik. Бейпил күндүн, жай турмуштун, жаркын келечектин ээси болгон балдарыбызга кам көрүү маселеси – мамлекеттин социалдык саясатынын маанилүү артыкчылыгы болуп эсептелет. Бул тууралуу президент
Садыр Жапаров Балдарды коргоонун эл аралык күнүнө карата куттуктоосунда айтты.
Мамлекет башчынын маалымат кызматы Жапаровдун балдарды, ата-энелерди бул майрамга карата куттуктоосун таратты.
Төмөндө президенттин куттуктоосун толугу менен беребиз.
"Кымбаттуу балдар, урматтуу ата-энелер!
Кыргыз Республикасындагы бардык жеткинчектерди бүгүнкү жаркын майрамы менен куттуктайм! Балдарынын сүйүнүчү – ата-эненин кубанычы, ата-энелердин дагы бүгүнкү майрамы кут болсун!
Балдарды коргоонун эл аралык күнү жадыраган жай мезгилинин алгачкы күнүнө белгиленгендиги бекеринен эмес. Баланын бажырайган күлкүсү менен жадыраган жай айындагы чайыттай ачык асман бири-бирин толуктап турган табияттын эң ажайып айкалышы, тынчтыктын, бейпилдиктин, куунак жашоонун белгиси.
Мына ушундай бейпил күндүн, жай турмуштун, жаркын келечектин ээси болгон балдарыбызга кам көрүү маселеси – мамлекеттин социалдык саясатынын маанилүү артыкчылыгы болуп эсептелет. Балдарга кам көрүү жаатындагы милдеттер, балдарды сак-саламат жетилтип, руханий жактан өнүктүрүү, алардын коопсуздугун камсыз кылуу, сапаттуу билим берүү, турмуштук оор кырдаалга кабыл болгон балдарды ар тараптан колдоо мамлекеттик бийликтин ишиндеги негизги багыт болуп саналат. Дени сак, акыл-эстүү балдарыбыз – бул эртеӊки жаркын келечегибиздин, тарбиялуу коомубуздун, өнүккөн, маданияттуу турмушубуздун кепилдиги.
Мамлекеттен кандай гана жардам берилбесин, эң негизги мээримди жана камкордукту бала өзүнүн бекем, туруктуу жана мээримдүү үй-бүлөсүнөн алат. "Уядан эмнени көрсөң, учканда ошону аласың" деген улуу журтубуздун накыл кебиндегидей, баланы тарбиялоодо үй-бүлө институтунун орду чоң. Ата-энелерге балдарына туура таалим-тарбия берүүнү эч качан кечиктирбеш керектигин эскертер элем. Ата-бабаларыбыздын калтырып кеткен нарк-насилдери менен балдарыбыздын келечегин эртеӊ эмес, мына бүгүн, азыр алдын ала ойлонуп, алардын адам болуп чыгуусуна татыктуу тарбия беришибиз абзел. Элибизде эзелтен эле бала тарбиялоодо адеп-ахлакты, пейил-мүнөздү калыптандырууда, көркөм-эстетикалык табитти өстүрүүдө бешик ырларынан тарта макал-лакаптар, накыл кептер, уламыштар, жомоктор, дастандар жана башкаларды кеңири пайдаланып келишкен. Бала тарбиялоодо ата-бабаларыбыздан бери келаткан нарк-насил, каада-салт, көркөм мурастар силерге шам чырак болуп берсин!
Бардык ата-энелерге, тарбиячыларга, мугалимдерге бала тарбиялоо деген оор вазийпасын чыдамкайлык, акылгөйлүк, сабырдуулук менен аткарышын каалайм!
Акылдуу, чынчыл, боорукер жана мекенчил болуп чоңойгула! Ата-энеңерди жана улууларды сыйлагыла, окуудагы жетишкендиктериңер менен бизди кубандырып, Мекенибиздин чыныгы атуулдарынан болгула!
Ар бир күнүңөрдү бактылуу балалыктын таттуу көз ирмемдери коштосун!
