Элдик курултайдан пляждагы аялга чейин. Апта ирмеми

Кайра иштетилген материалдардардан тигилген кийимдерди мода көргөзмөсүндө тартуулаган моделдер. Лагос, Нигерия

Улуу Британиянын "Кызыл жебе" падышалык Аскер-аба күчтөрү Кувейттеги авиашоуда өнөрүн көрсөтүүдө

АКШ президенти Жо Байден Ыраазычылык күнүндө

Крит аралынын (Греция) түштүк-чыгышындагы Палеохора портунда токтотулган кайыктын ичиндеги мигранттар

Чилидеги Вильяррика вулканы жанданып жаткан учур. Бул — Түштүк Америкадагы эң эле активдүү жанар тоо.

Куала-Лумпурдагы (Малайзия) Louis Vuitton дүкөнүнүн жанындагы жаныбарларды коргоочулар. Алар компаниянын жыландын терисинен сумка жана капчык жасашына каршы уюштурулган акцияга чыгышкан.

Каракастагы (Венесуэла) деңиз шамалынан улам Чакао району менен Эль-Авил паркынын үстүндө пайда болгон күн желеси

Президент Садыр Жапаров Бишкекте өткөн биринчи Элдик курултайдын катышуучулары менен сүйлөшүп жатат. Курултай ишине ар аймактан шайланып келген делегаттар, чакырылган меймандар, аткаруу, мыйзам чыгаруучу жана сот бийлигинен болуп 1 200дөн ашуун киши катышты.

Израилдин Хадера шаарына жакын жерде Жер ортолук деңизде кум акуласынын жанында сүзүп жүргөн жуптар

Колумбиянын Медельине шаарында учак кулаган жерде иштеп жаткан өрт өчүрүүчүлөр

Тайвандык актриса Ван Юйсюань Тайбэйде "Алтын ат" премиясын тапшыруу учурунда

Кабулду карап, Надир Хан дөңсөөсүндө чай ичип отурган афгандыктар

Албаниянын түндүк-батышындагы Куч айылынын суу алдында калган көчөсү

Сүрөтчү жана фотограф Спенсер Туник Сиднейдеги (Австралия) пляжда миңдеген жылаңач адамды тартууга камынууда

"Париждеги күз фестивалынын" алкагында сүрөтчү Жак-Луи Давиддин Луврдагы "Сабинянки" эмгегинин алдында өнөрүн көрсөтүп жаткан бийчи

Бишкекте өткөн Burana Fashion Week 2022 мода көргөзмөсү. Иш-чарага Кыргызстан жана башка аймактардан 20 дизайнер катышты

Лондондун Гайд-паркында формасын кийип жаткан гвардиячы

Италиянын Искья аралында жер көчтү. Каргашадан бир адам өлүп, 11 киши дайынсыз болуп жатканы айтылды. Төрт тургун жабыркап, 167 жашоочу үй-жайсыз калган.

Камерундук күйөрмандар. Швейцария — Камерун беттеши башталар маал.

Индиядагы Ганг дарыясынын соолуп калган нугу менен бара жаткан киши

Кытайда акыркы убакта коронавирус кайрадан күч алгандай. Үч күн катары менен оору жуктурган кишилердин саны боюнча рекорд жаңыланып жатты. Сүрөттө медик аялдан мазок алууда.

Санкт-Петербугдун көчөсүндө "Зенит" жана "Црвена Звезда" командаларынын беттешине 60 метрлик сербия-россиялык желекти көтөрүп бара жаткан эл. Сентябрда бул желекти сербдер Россияны колдоо иретинде Белграддын көчөлөрүнөн алып өтүшкөн.

Индонезиянын Чианджур аймагында болгон жер титирөө 268 кишинин өмүрүн алды, жүздөгөн киши жабыркап, миңдеген турак жай талкаланды. Зилзаладан кийин жер көчүп, алдында бир айыл калганы кабарланган.

Мартиника аралынын Ле-Карбесиндеги пляжда жаткан аял