ШКУ премьерлеринин жыйыны. Акылбек Жапаров көтөргөн орчундуу маселелер
11:36 26.10.2023 (Жаңыртылды: 11:42 26.10.2023)
© Фото / пресс-служба кабинета министров КР
Жазылуу
Жапаров коронавирустан бери мындай форматтагы жолугушуу алгачкы ирет өтүп жатканын белгиледи.
БИШКЕК, 26-окт. — Sputnik. Шанхай кызматташтык уюмуна (ШКУ) мүчө мамлекеттердин өкмөт башчыларынын кеңейтилген курамдагы жыйынын министрлер кабинетинин төрагасы Акылбек Жапаров алып барып, коронавирустан бери мындай форматтагы жолугушуу алгачкы ирет өтүп жатканын белгиледи.
Акылбек Жапаров токтолгон маселелер:
Кызматташтыктын эң маанилүү аспектиси биздин аймактагы коопсуздукту камсыздоо маселелери болушу керек;
ШКУ диалогу боюнча өнөктөштөр менен кызматташуу тууралуу Жол картасын иштеп чыгуу жана кабыл алуу зарыл;
Бишкекте эл аралык уюшкан кылмыштуулукка каршы күрөшүү борборун түзүү маселеси боюнча өнөктөштөр менен тыгыз кызматташууга үмүттөнөбүз;
Тилекке каршы, Өнүктүрүү банкын жана ШКУнун өнүктүрүү фондун түзүү маселеси көптөн бери талкууланып келет. Бул түзүмдөр, биздин көз карашыбызда, биргелешкен долбоорлорду ишке ашырууга жана ШКУга мүчө мамлекеттердин өз ара эсептешүүлөрүндө улуттук валюталардын үлүшүн мындан ары этап-этабы менен жогорулатууга түз көмөктөшмөк. Бул маселе боюнча бир чечимге келебиз деп ишенем;
2022-жылы Кыргызстандын жалпы соода жүгүртүүсүнүн 79,0%ы ШКУ өлкөлөрү менен болду. Кыргызстандын ШКУ өлкөлөрү менен тышкы соода жүгүртүүсү 1,7 эсеге өстү;
ШКУга мүчө мамлекеттердин темир жолдорунун кызматташуу концепциясын ишке ашыруу боюнча бүгүн бекитилген иш-чаралар планы биздин администрацияларга транзиттик жүк ташуу потенциалын түзүп, зарыл иштерди жүргүзүүгө мүмкүндүк берет;
Климаттын өзгөрүшүнө, абанын жана суунун булганышына каршы күрөштө, биологиялык ар түрдүүлүктү сактоодо күчтөрдү бириктирүүнү сунуштайбыз;
Биз климаттын өзгөрүшүнө, абанын жана суунун булганышына каршы күрөштө, биологиялык ар түрдүүлүктү сактоодо күчтөрдү бириктирүүнү сунуштайбыз;
2024-жыл ШКУнун Экология жылы деп жарыяланды жана бүгүн аны ишке ашыруу боюнча тиешелүү иш-чаралар планы кабыл алынат;
Казак тараптын ШКУга мүчө мамлекеттердин ортосунда айыл чарба өсүмдүктөрүнүн селекциясы жана үрөнчүлүк чөйрөсүндө кызматташууну өнүктүрүү программасынын долбоорун иштеп чыгуу жана бекитүү демилгесин колдойбуз;
ШКУга мүчө мамлекеттердин өкмөт башчыларынын кеңешинин кезектеги жыйыны Пакистанда өткөрүлөт.
25 Тогуздун айы 2023, 15:22
